राष्ट्रिय थारू कलाकार मञ्च केन्द्रीय समितिले १५ असोजमा दाङ देउखुरीको गढवा गाउँपालिका–२ राप्ती रिसोर्ड एण्ड फन पार्कमा आयोजना गरेको कार्यक्रममा जम्मा १० वटा समूहले भाग लिएका थिए । सो कार्यक्रममा सखिया पैया समूह रामपुर पलासेको नाच दोस्रा तथा संघारी सांस्कृतिक मञ्च उत्तर मजगाउँको बड्का नाचले तेस्रो भए । 

विजय हुने समूहलाई क्रमशः १५ हजार, १२ हजार र ८ हजार नगद तथा प्रमाणपत्र प्रदान गरिएको थियोे ।

कार्यक्रममा गायकहरु अन्नु चौधरी, समीक्षा चौधरी, रोशन रत्गैया, दोषहरण चौधरी, शालिकराम चौधरी, राजेन्द्र चौधरी, डिआर चौधरी, गायक तथा हाँस्यकलाकार गौतम चौधरी, गायक मोडल समु चौधरी लगायतको विशेष प्रस्तुति रहेको थियो । 
त्यस अघि उक्त कार्यक्रमको समुद्घाटन मन्तव्यमा शहरी विकास मन्त्री मेटमणि चौधरीले थारू समाजलाई अगाडि बढाउन संस्कारयुक्त शिक्षाको आवश्यकता रहेको धारणा राखे । 

थारू समुदायका पुराना नाचगान, संस्कार, संस्कृति हराउँदै जान थालेको र नयाँ युवा पिढीले आधुनिक गीतसंगीतमा मात्र रमाउन थालेकोमा मन्त्री चौधरीले चिन्ता व्यक्त गरे । साथै, थारू समुदायको पहिचानका लागि थारू कलाकार स्थापित हुन जरूरी रहेको पनि उनले बताए ।

मञ्चका दाङ अध्यक्ष वीरबहादुर चौधरीको अध्यक्षतामा भएको कार्यक्रममा स्वागत अञ्जु चौधरी र कार्यक्रमका बारेमा मञ्चका केन्द्रीय महासचिव रोशन रत्गैयाले जानकारी दिएका थिए ।

बृहत साँस्कृतिक झुम्रा नाच प्रतियोगिता

यसै गरी थारु कल्याणकारिणी सभा (थाकस) देउखरी गढवा इकाइ कमिटिको आयोजनामा असोज १६ गते गढवा गाउँकमिटि स्तरीय बृहत साँस्कृतिक झुम्रा नाच प्रतियोगिता गढवामा सम्पन्न भएको छ ।

नाच प्रतियोगिताका निर्णायक सुरेश चौधरीका अनुसार प्रतियोगितामा पचुहिया गाउँको नाच पहिलो, लोखरपुरवा गाउँको नाच दोस्रो तथा पर्नाहा गाउँको नाच तेस्रो, मक्नह्वा गाउँको नाचले सान्तवना स्थान प्राप्त गरेकको छ । 

कार्यक्रममा गढवा गाउँपालिकाबाट विभिन्न क्षेत्रमा योगदान पुर्याउनहरुलाई सम्मान पनि गरिएको थियो । जसमा समाजसेवी भगवती प्रसाद चौधरी, खेलाडी पद्मा चौधरी, गायक दोषहरण चौधरी, कमलरी अभियन्ता उर्मिला चौधरी लगायत थिए ।

कार्यक्रमका प्रमुख अतिथि थाकस देउखुरीका सभापति  प्रकाश चौधरी तथा गढवा गाउँपालिकाका उपाध्यक्ष शारदा चौधरीले सम्मानित गरेका थिए । कार्यक्र थाकस गढवाका सभापति  संजिव चौधरीको सभापतित्वमा भएको थियो ।