हजार जिन्दगीहरु 
 बेखबर भो !                                                                         
यो जूनीदेखि  
 टाढा टाढा भो !                                                                             
खै, के भो ?  के भो ? 
अचम्मको बाढी नेपालमै भो !

सुनसान पछि एकाएक                                                               
 रिस , क्रोध  अनि बदलाको आगोले 
चट्टान फुटाल्दै, पहाडलाई हल्लाउदै 
 मान्छे अनि गाउँवस्ती बगाउदै 
खै, के भो ?  के भो ? 
अचम्मको बाढी नेपालमै भो !

बालक, महिला अनि युवा 
 न त वृद्धा नै चिनेनन् 
मान्छेलाई चुनौती दिदै 
 आफन्तबाट टाढा टाढा बनेर गो 
खै, के भो ? खै, के भो ?  के भो ? 
अचम्मको बाढी नेपालमै भो !

के भोग्नु पर्यो  यस्तो नियति ?
एकपछि अर्को सुन्न नि गाह्रो भो !
विभत्स त्यो दृश्यहरु 
 फेसबुक अनि समाचारमा हेर्न नि गाह्रो भो !
खै, के भो ?  के भो ? 
अचम्मको बाढी नेपालमै भो !

मान्छेले मान्छे नचिन्ने संवेदनाहरु 
कहाँ गएर खोज्न पाइएला र ? 
हजार जिन्दगीहरु बेखबर भएको बेला                                                                          
मन मुटुमा खोज्ने बेला हैन र ?                                                                    
खै, के भो ?  के भो ? 
अचम्मको बाढी नेपालमै भो !

                        माडी, चितवन