गायक राजु चौधरीका अनुसार स्वास्थ्यमा गम्भीर समस्या उत्पन्न भएपछि दुई महिना अघि अस्पताल भर्ना गरिएका चौधरीको उपचारकै क्रममा पोर्चुगलमा हृदयघातबाट शुक्रवार मृत्यु भएको हो । 

उनले थारु फिल्म ‘बौछार’ को निर्माण, निर्देशन पनि गरेका थिए । जीवन एक लडिया फिल्मको पनि उनी निर्माता थिए ।
उनी अभिनित अन्य चलचित्रमा ई कैसिन नाता, बुह्रान, कमैया, तागतलगायत रहेका छन् । नायक संगत थारु भन्छन्, ‘मलाई उहाँले नै फिल्म क्षेत्रमा ल्याउनु भएको हो । खास गरी थारु चलचित्र जगतमा उहाँको निधनले अपूरणिय क्षति भएको छ । 
अन्तर्राष्ट्रिय करातेका खेलाडी समेत रहेका चौधरी थारु चलचित्रको निर्माण तथा अभिनयबाट चर्चामा आएका थिए ।

धनगढी उपमहानगरपालिका–१ शिवनगरका स्थायी बासिन्दा रहेका चौधरी सन् २०११ मा युरोप गएका थिए । केही वर्ष बेल्जियममा बसेका चौधरी सन् २०१५ देखि पोर्चुगलमा बस्दै आएका थिए । स्वर्गीय चौधरीकी आमा, दुई पत्नी र तीन छोरी छन् ।

उनकी जेठी पत्नी र एक छोरी काठमाडौंमा छन् भने कान्छी पत्नी र दुई छोरी पोर्चुगलमै छन् । पारिवारिक स्रोतका अनुसार उनको पोर्चुगलमै दाहसंस्कार गरिने बताइएको छ ।