अधिवेसनसे थारु भसा साहित्य केन्द्रके अध्यक्षमे फेनसे भुलाइ चौधरी चयन हुइल बटाँ । ओस्टक उपाध्यक्ष बुद्धसेन चौधरी, महासचिव सियाराम चौधरी, सचिव सहदेव चौधरी, कोषाध्यक्ष राकेश सिंह लगायत सब पुरान पदाधिकारीे हुइल बटाँ । ओस्टक सदस्यमे राम स्वागत चौधरी, कल्पना चौधरी, इन्दु चौधरी, आशिष चौधरी, सुमन चौधरी उदयनारायण चौधरी रहल महासचिव चौधरी जनैलाँ ।

केन्द्रके अध्यक्ष भुलाइ चौधरीके घरगोस्याइमे हुइल उद्घाटन कार्यक्रममे बर्का पहुना युवा तथा खेलकुद मन्त्री तेजुलाल चौधरी डा कृष्णराज सर्वहारीलगायत ३ जनहन सम्मान कर्ल । सम्मानित हुइनामे समाजसेवी शत्रुघनप्रसाद चौधरी ओ साहित्यकार सन्तोषी चौधरी बटाँ ।

कार्यक्रममे मन्त्री चौधरी अइना बरससे थारु भसा साहित्य केन्द्रमार्फत् २५ हजारके साहित्यिक पुरस्कार स्थापना कर्ना घोसना फे कर्ल । उहाँ थारुन् खानपानमे सुधार करे पर्ना, जागिरसे फेन लावा लावा व्यावसायमे हाँठ डारे पर्ना बटैलाँ । 

थारु लेखक संघ नेपालके केन्द्रीय अध्यक्ष डा कृष्णराज सर्वहारी केन्द्रहे अपन स्थापना दिवसके अवसरमे साहित्यिक पुरस्कार स्थापनाके लग अर्जि करलमे मन्त्री चौधरी सहकार्य करना वाचा कर्ले रहिट । 

उद्घाटन सत्रमे विनय वैद्य, डा रामबहादुर चौधरी, विजय चौधरी, सुशीला बेटी, विमल चौधरी, शान्ति चौधरी, आशिष चौधरी, थाकस केन्द्रीय अध्यक्ष प्रेमीलाल चौधरी, थारु आयोगके माननीय भोलाराम चौधरीलगायत बोलुइयन शुभकामना डेले रहिट । कार्यक्रममे रचना वाचन फेन हुइल रहे ।

कार्यक्रममे शान्ति चौधरीके ६९औं पोस्टा सलहेस फुलवारी डा अम्वेडकर पार्क ? के विमोचन बर्का पहुना मन्त्री चौधरी ओ अन्य पहुनालोग कर्ले रहिट । 

केन्द्रके उपाध्यक्ष बुद्धसेन चौधरी स्वागत ओ कार्यक्रमके सहजीकरन महासचिव सियाराम चौधरी कर्ले रहिट । थारु भसा साहित्य केन्द्र प्रत्येक महिनक् पहिला सनिच्चरके थारु साहित्यिक रचना वाचन बसघराके ८३औं भाग निम्जा सेक्ले बा । ओस्टक वाचित रचनाके ६ अंक बसघरा पत्रिका प्रकासन फे कर्ले बा ।