सुर्खेत
वीरेन्द्रनगर नगरपालिकाको नागरिक उन्मुक्ति पार्टीको विशेष नगर भेलाबाट संयोजकमा ऋद्धि बहादुर चौधरी सर्वसम्मत चयन भएका छन् ।
शनिबार भएको भेलामा ऋद्धि बहादुर चौधरीको संयोजकत्वमा ३१ सदस्य नगर कमिटी गठन भएको छ । जसको सचिवमा मानकुमारी चौधरी छानिएकी छिन् ।
नागरिक उन्मुक्ति पार्टी कर्णाली प्रदेश इन्चार्ज महेन्द्र उपाध्यायको प्रमुख आतिथ्यतामा भएको कार्यक्रमको सहजीकरण केन्द्रीय सदस्य सन्तोष कठरियाले गरेका थिए ।
कैलाली क्षेत्र नम्बर १ का निर्वाचित सांसद रेशम चौधरीको संरक्षकत्वमा देशभरी नागरिक उन्मुक्ति पार्टीको संगठन विस्तार अभियान सुरु भएको छ ।