बैशाख ३० गते सम्पन्न स्थानीय तह निर्वाचनमा निर्वाचित भइ आएका नगर प्रमुख केवल चौधरीले आफ्नो १०० दिनको उपलब्धि सार्वजनिक गर्दै कक्षा १ देखि ८ सम्मको शिक्षा निशुल्क गरिएको, कक्षा १ देखि ५ सम्म स्थानीय थारु भाषामा पाठ्यक्रम तयार गरि लागु गर्ने चरणमा रहेको जनाएका हुन् ।भजनी नगरपालिका आदिवासी थारु बाहुल्य क्षेत्र हो ।

नगरपालिकाले आफ्नो १०० दिने उपलब्धिको रुपमा निजी श्रोतका शिक्षकहरुको तलब वृद्धि गरिएको, विद्यालयलाई कम्प्यूटर तथा प्रिन्टर वितरण गरिएको जनाएको छ ।

त्यस्तै, १०० दिनको अवधिमा ४५ लाख, ४३ हजार ८६८ रुपैयाँ आन्तरिक राजश्व संकलन गरेको जनाएको छ भने चालु आर्थिक वर्षमा सम्पति करको दररेटमा १६ प्रतिशत घटाई नगरवासीलाई सहुलियत दिएको बताएको छ ।