तस्विरः केवालाल चौधरी
टीकापुरमा शनिबार भएको थारु ब्यापारीहरुको भेलाले थारु ब्यापार समाज गठन गरेको छ ।
भेलाबाट रामप्रसाद चौधरीको  अध्यक्षतामा ९ सदस्यीय कार्यसमिति गठन गरिएको छ । रामप्रसाद रत्गैया झोला उद्योगको संचालक हुन् । 
त्यस्तै, समाजको उपाध्यक्षमा किसन चौधरी, सचिव रामसिंह चौधरी, कोषाध्यक्ष अमर चौधरी रहेका छन् । सदस्यहरुमा पार्वती चौधरी, लालबहादुर चौधरी, जितबहादुर चौधरी, दीपेन्द्र चौधरी र बहबहादुर चौधरी रहेका छन् ।
२०७२ भदौ ८ गते टीकापुर बजारका थारु व्यापारीहरुको घर, पसल छानी छानी आगजनी गरिएको थियो । त्यसबेला टीकापुर उद्योग वाणिज्य संघ नेतृत्वले आफूहरुको क्षतिपूर्तिबारे कुनै पहल नगरेको भनेर थारु व्यापारीहरु रुष्ट थिए । त्यसैबेला थारु व्यापारीहरुको छुट्टै संघ बनेको थियो तर यो संगठन खासै सक्रिय हुन सकेन । अहिले पुनः थारु व्यापारीहरुको संगठनलाई अर्थपूर्ण ढंगले हेरिएको छ ।