बिहीबार बिहान साढे १० बजे कतार एयरवेजको क्यूआर ६४८ नम्बरको नम्बरको विमानबाट त्रिभुवन अन्तर्राष्ट्रिय विमानस्थलमा आइपुगे लगत्तै प्रहरीले सन्दीपलाई विमानस्थलबाटै पक्राउ गरेको हो ।
 उनी नेपाल आउने जानकारी पाएपछि प्रहरीको भ्यानसहित ​पक्राउ गर्न प्रहरी अधिकारीहरु विमानस्थलमा तैनाथ  थिए ।

उनी विदेशमै रहेको बेला गत भदौ २१ गते एक बालिकाले बलात्कारको जाहेरी दिएकी थिइन् । 

उनले यसअघि सामाजिक सञ्जालमार्फत  नेपाल फर्किएर आफूमाथि लागेको आरोपविरुद्ध लड्ने बताएका थिए । आफू निर्दोष रहेको र नेपालको न्याय प्रणालीमाथि पूर्ण विश्वास रहेको उनको भनाइ छ । उनलाई प्रहरी बृत्त गौशाला लगिएको छ ।

छोरा निर्दोष रहेको उनको अभिभावकको भनाइ छ । बलात्कार आरोपपछि नेपाली क्रिकेट बोर्डले उनलाई निवलम्वन गरेको थियो ।