अछाम निर्वाचन क्षेत्र नं. १ बाट एकल सिफारिसमा परेका नेता भीम रावललाई प्रतिनिधि सभा सदस्यको टिकट नदिएको भन्दै एमालेकै नेता कार्यकर्ताहरुले आइतबार नाराबाजी गरेका हुन् ।

यूवा संघ अछामका जिल्ला सचिव जितेन्द्र कुँवरको नेतृत्वमा युवाहरुले नाराबाजी गरेका थिए । एमालेले एकल सिफारिसमा परेका रावललाई टिकट नदिएर माओवादीबाट एमालेमा प्रवेश गरेका झपट बोहरालाई निर्वाचन क्षेत्र नं. १ को टिकट दिएपछि अछाममा केपी ओली विरुद्ध युवा संघका युवाहरु नाराबाजी गरेका हुन् ।

निर्वाचन अधिकृतको कार्यालय साँफेबगरमा क्षेत्र न. १ प्रतिनिधि सभा सदस्यका उम्मेदवार बोहरा, प्रदेश सभा क तर्फका देव कुँवर र ख तर्फका उम्मेदवार कृष्ण प्रसाद जैसीले मनोनयन दर्ता गरेर निस्कने क्रममा नाराबाजी भएको हो ।