यसै क्रममा दाङ जिल्लाबाट आपआफ्नो दलबाट अग्रस्थानमा प्रतिनिधि सभातर्फ समानुपातिक सूचीमा रहेका ६ जना सांसद हुने प्रवल सम्भावना बोकेका छन् ।

महेन्द्र बहुमुखी क्याम्पस दाङका उपप्राध्यापक सुदीप गौतमका अनुसार थारू समुदायबाट काँग्रेसका योगेन्द्र चौधरी र माओवादीकी अस्मा कुमारी चौधरी सांसद छानिने भाग्यमानी देखिएका छन् । 

योगेन्द्र चौधरी दाङ–१ क्षेत्रबाट काँग्रेसबाट प्रत्यक्षतर्फ सिफारिश भएका थिए । तर त्यहाँ गठबन्धनका तर्फबाट नेकपा एसका मेटमणि चौधरीले टिकट हात पारेपछि योगेन्द्र चौधरी समानुपातिकतर्फ सुरक्षित भएका हुन् । 

उपप्राध्यापक गौतमका अनुसार यी बाहेक एमालेकी मेनका कुमारी पोख्रेल, माओवादीकी नारायणी शर्मा तथा राष्ट्रिय जनमोर्चाका रश्मीराज नेपाली पनि सांसद छानिने प्रवल सम्भावना छ । मेनका पोख्रेल एमाले महासचिव शंकर पोख्रेलकी सहोदर बहिनी हुन् ।

त्यस्तै, समानुपातिकमा रहेकी नागरिक उन्मुक्ति पार्टीबाट पार्वती डिसी चौधरीको पनि सांसद छानिने सम्भावना प्रवल रहेको छ । उनी गत निर्वाचनमा काँग्रेसबाट समानुपातिक सांसद थिइन् ।