बर्दिया–२ बाट उम्मेदवारी दिएका रेशमलालको उम्मेदवारी खारेज गरिएपछि उनको ठाउँमा नागरिक उन्मुक्तिले आधिकारिक रुपमा उनका बुवालाई पार्टीको तर्फबाट उम्मेदवार भनेको छ ।

त्यस्तै, कैलाली–५ बाट उम्मेदवारी दिएका थरुहट नेता लक्ष्मण थारुको उम्मेदवारी खारेज गरिएपछि उनको ठाउँमा नागरिक उन्मुक्ति पार्टीबाट आधिकारिक भनिएका जगदीश चौधरीलाई पनि चापाकल अर्थात् नल चुनाव चिन्ह दिइएको छ ।

टीकापुर घटना मुद्दामा रेशम र लक्ष्मण थारुलाई जिल्ला अदालत कैलाली र उच्च अदालत दिपायलले दोषी ठहर गरेको र रेशम २०७४ फागुन १४ गतेदेखि निरन्तर कैदमा रहेको तथा लक्ष्मण थारु उच्च अदालतले जन्मकैद फैसला सुनाए पनि फरार सूचीमा रहकोले उम्मेदवारी खारेज गरेको सम्बन्धित निर्वाचन अधिकृतको कार्यालयले जनाउ दिएको थियो । 
 
(यस अघि निर्वाचन आयोगले रेशमलाल चौधरीको पिता लालवीर चौधरीलाई चुनाव चिन्ह मुडा प्रदान गरेको समाचार सच्याइएको छ ।)