उता माओवादी अध्यक्ष पुष्पकमल दाहाल प्रचण्ड अबको प्रधानमन्त्री त तपाईं नै हो भनेर सबैले भन्ने गरेको अभिव्यक्ति दिन थालेका छन् । 

अहिले देउवाले हालको गठबन्धन २० वर्ष टिक्ने भनिरहेका छन् । यद्यपि अहिलेको गठबन्धन प्रधानमन्त्री को बन्ने भन्ने सवालमै देउवा–प्रचण्ड मिलन कति समयसम्म टिक्ने भन्ने देखिन्छ । यसअघिको एमाले–माओवादी गठबन्धन ५० वर्ष टिक्ने प्रचण्डको अभिव्यक्ति थियो । तर त्यो बेलुनझैं फुस्स फु्टयो । 

२०५९ मा देउवा प्रधानमन्त्री हुँदा प्रचण्डको टाउकोको मोल ५० लाख तोकिएको थियो । आफूसँगका धेरै सहकर्मी एमालेमा गएपछि कमजोर धरातलमा रहे पनि अहिले प्रचण्ड देउवासँग प्रधानमन्त्रीको मोलमोलाई गर्ने अवस्थामा पुगेका छन् । 

यसअघिको एमाले–माओवादी गठबन्धन ५० वर्ष टिक्ने भनिएकोमा बहुमतको सरकार हुँदाहुँदै ५ वर्ष पनि टिकेन । चुनावपछि सरकार बनाउने बहुमत पुग्न कुनै गाह्रो छैन । तर हालको गठबन्धन २० वर्ष टिक्ने भनिरहेकोमा प्रधानमन्त्री पदकै कारण २ वर्ष पनि नटिक्ला भन्न सकिन्न । 

आगामी सरकारमा भागवण्डा गर्न ठूला दलहरु गठबन्धनमा गए पनि स्थानीय चुनावमा भाग लिएका नागरिक उन्मुक्ति पार्टी, जनमत पार्टी तथा नेमकिपाले मात्रै एकल चुनाव लडिरहेका छन् ।