राजापुर नगरपालिका–५  सानाकिसान सहकारीमा किसानहरूले मलको  लागि  बिहानै ४ बजेदेखि लाइनमा रहेका थिए ।

त्यसको एक सातापछि कार्तिक २१ गते तरकारी व्यावसायमा संग्लग्न साहित्यकार ठाकुर अकेलाले मल वितरणको  तस्विर पोष्ट गरेका छन् । 

अकेलाका अनुसार बर्दियाको गेरुवा–६, नौरंगा लगायत गाउँमा सानाकिसान सहकारीले मल उपलब्ध गरायो । करिब ४५ घरधुरीलाई जम्मा ७ बोरा मल आएको थियो । त्यस्तै, पोटास १ बोरा मात्रै आएको थियो । भन्छन्, मासुको भाग लगाएझैं पोटास १÷१ कचौरा बाँड्यो, अर्को मल पनि १ लम्बरी पनि भाग परेन । सुंघ्नु कि हाल्नु । किसानले कसरी खेती गर्ने ?

उता राजापुर नगरपालिका चैनपुरमा मल वितरण कनिका छरेझैं भएपछि किसान हिराकुमारी चौधरीको व्ंयग्यात्मक प्रतिक्रिया छ– रातीमा लिन्छौ नोट, मान्छे नचिने दिन्छौ भोट । कृषि, शिक्षा बनाउने, भाषण छाट्दै हिँड्ने नेता जिन्दावाद । ब्याजदर बढे, मलखाद नपाए सहकारी मुर्दावाद ।