बाम लोकतान्त्रिक गठबन्धनका साझा उम्मेदवार चौधरी  २६ हजार ५ सय ६३ मत ल्याएर विजयी भएका हुन् । सहरी विकास मन्त्री रहेका चौधरीले आफ्ना निकटतम प्रतिद्वन्द्वी नेकपा एमालेकी शान्ता चौधरीलाइ ५ हजार ८४ मतान्तरले विजयी भएका हुन् । मतगणनामा मेटमणि चौधरीले सुरुदेखि नै अग्रता बनाएका थिए । 

एमालेकी शान्ता चौधरीले २१ हजार ५ सय ७९ मत ल्याइन् ।  त्यसै गरी  राष्ट्रिय स्वतन्त्र पार्टीका देबराज पाठकले १३ हजार ७ सय ९४, नागरिक उन्मुक्ति पार्टीका सुरेन्द्र चौधरीले ८ हजार १० मत, हाम्रो नेपाली पार्टीकी गंगा सत्गौवाले १ हजार ९२, संघिय लोकतान्त्रिक राष्ट्रिय मञ्च थरुहटकी रूक्मिणी चौधरीले २ सय ९३ मत, मंगोल नेशनल अर्गनाइजेशनका शोभाराम बुढाले ५ सय ८३ मत प्राप्त गरेका छन् ।

त्यस्तै नेपाली कांग्रेस (वीपी)का असोक खड्काले १ सय ९८ मत, राप्रपाका लिला बुढाथोकीले १ हजार ४ सय ३८ मत, नेपाल मजदुर किसान पार्टीका गणेशभक्त खर्जुवाले २६ मत, लोकतान्त्रिक समाजवादी पार्टीकी प्रतिमा बुढामगरले १ सय ३३ मत, र स्वतन्त्र उम्मेदवार चन्द्रमणि न्यौपानेले ३४ मत प्राप्त गरेका छन् ।

जम्मा ७८ हजार ६ सय ९८ मत खसेकोमा ७३ हजार ६ सय ४३ मत सदर भएको थियो भने ४ हजार ५ सय ६७ मत बदर भएको थियो ।

यसअघि दाङमा इन्द्रजीत थारु माओवादीबाट तथा डिल्लीबहादुर चौधरी काँग्रेसबाट विजयी भइसकेका छन् । यी दुबै लुम्विनी प्रदेशमा मन्त्री रहेका छन् ।