समूह तथा पुरुष, महिला नमिलाई सिफारिश गरिएकाले त्यसलाई निर्वाचन आयोगले मान्यता दिएन । 

निर्वाचन आयोगले आधिकारिकता दिएअनुसार सुदूरपश्चिमबाट लम्कीचुहा नगरपालिका–१, कैलालीकी टीका थापा (५३), धनगढी नगरपालिका–८, कैलालीकी इन्दिरा गिरी (५८), लुम्विनी प्रदेशबाट बारबर्दिया नगरपालिका–९, बर्दियाकी नरमाया ढकाल ‘प्रज्ञा’ (४०), देवदह नगरपालिका–४ रुपन्देहीकी निर्मलादेवी थारु चौधरी (४५) मधेस प्रदेशबाट ईश्वरपुर नगरपालिका–९, सर्लाहीकी उर्मिलादेवी सिंह (४७) चयन भएका छन् । 

यस अघि पार्टीले सुदूरपश्चिम प्रदेश सभा सदस्यको लागि सुनिता चौधरी र दामोदर पण्डित, लुम्बिनी प्रदेशबाट रेणुका चौधरी र निर्मलादेवी थारु चौधरी तथा मधेश प्रदेशबाट रामचन्द्र चौधरीलाई सिफारिश गरेको थियो । पार्टीले सिफारिश गरेको रुपन्देहीकी निर्मलादेवी थारु चौधरीबाहेक बाँकी ४ जना परिवर्तन भएका छन् ।

सुदूरपश्चिम प्रदेश सभा सदस्यको लागि सिफारिश सुनिता चौधरी यसअघि २०७४ सालमा पनि प्रदेश सभा सदस्यको लागि सिफारिश भएकी थिइन् । राजपाबाट सिफारिश त्यसबेला पनि बधाई खाएकी उनको स्थानमा मालमतिदेवी राना सिफारिश भएकी थिइन् । सुनिताले ढकियाखबरसँग दुःखेसो पोख्दै भनिन्, राजनीतिमा पटक पटक अभागी सावित भइयो । अब त सुंगुर, बंगुर पालेर बस्नुपर्ने जस्तो भैसक्यो ।