शुक्रबार थारू कल्याणकारिणी सभा (थाकस) का पदाधिकारीहरुसँगको भेटघाटमा प्रधानमन्त्री प्रचण्डले विश्वासको मत लिएपछि रेशम चौधरीको मुद्दाबारे टुंगो लगाउन पहल गर्ने आश्वासन दिएको थाकसका महामन्त्री प्रेमीलाल चौधरीले बताए । उनका अनुसार टीकापुरको मुद्दा पहिल्यैदेखि राजनीतिक भएकाले यसलाई राजनीतिक तवरले नै टुंगोमा पुर्‍याउने पहल आफूले गर्ने जनाए ।

 साथै, निजामती सेवा ऐनमा थारू समुदायको आरक्षणसमेत सुनिश्चित गर्ने प्रधानमन्त्रीले प्रतिवद्धता जनाएका छन् ।

भेटघाटमा थारू आयोगका अध्यक्ष विष्णु चौधरी, सदस्य डा उमाशंकर चौधरी, शान्ति मोदी पनि संग्लग्न थिए । तिनले थारूको भाषा, संस्कृतिमाथि संवैधानिक निकायबाटै भइरहेको आक्रमणलाई जोगाउनसमेत पहल गरिदिन प्रधानमन्त्री प्रचण्डसँग आग्रह गरेका थिए । स्मरण रहोस्, हालै मधेसी आयोगले थारु जातिलाई मधेसीमा सूचीकरण गरेको थियो ।