काठमाडौंको डिल्लीबजार कारागारमा रहेका चौधरीलाई बुधबार ४ बजेतिर दोस्रो पटक ओलीले फोन गरेर माघ महिनाभित्र गुड न्यूज आउने बचन दिएका हुन् । 

समाचार स्रोतका अनुसार ओलीले फोन गरेर सुदूरपश्चिम प्रदेश सरकार गठनमा सहयोग माग्ने क्रममा यस्तो बचन दिएका हुन्  । ‘रेशमजीलाई केपीजीले फोन गर्नुभयो माघ महिनाभित्र गुड न्यूज आउँछ । त्यसमा मैले तपाईलाई विश्वास दिलाउन चाहन्छु’ ओली चौधरी संवादका विषयमा ती नेताले भने, ‘तपाई (रेशम चौधरी)ले सुदूरपश्चिम प्रदेश सरकार गठनमा सहयोग गर्नुपर्यो । अब मिलेर जाउँ भन्ने छ ।’ ओलीले माघ महिनामा गुड न्यूज आउने बचन दिएपछि चौधरीले ओलीलाई सुदूरपश्चिम प्रदेश सरकारमा सहयोग गर्ने बल्ल प्रतिवद्धता जनाए  ।

त्यसपछि बल्ल सुदूरपश्चिम प्रदेशको मुख्यमन्त्रीका फुलमाला लगाउन तम्तयार एमालेका राजेन्द्र रावलसँग नागरिक उन्मुक्तिका सांसदहरु सम्पर्कमा आएका थिए । 

यदि माघ महिनाभित्र टीकापुर घटनाको मुद्दा फिर्ता नलिएमा सरकारलाई दिएको समर्थन फिर्ता लिने चौधरीले चेतावनी दिएको ती नेताले बताए । प्रधानमन्त्री पुष्पकमल दाहाल ‘प्रचण्ड’ र अध्यक्ष ओलीले आज बिहान पनि चौधरीलाई फोन गरेका थिए ।   माओवादी, नागरिक उन्मुक्ति लगायत पार्टीको समर्थनमा रावलले आजै मुख्यमन्त्रीको सपथ लिएका छन् ।