कैलालीबाट समानुपातिक प्रदेशसभा सदस्य भएकी उनी मंगलबार भएको मत विभाजनबाट उपसभामुखमा चयन भएकी हुन् ।

माओवादीकी लक्ष्मी बिकले चौधरीलाई उपसभामुखमा निर्वाचित गरियोस् भनेर प्रदेशसभामा पेश गरेको प्रस्तावको पक्षमा २८ मत परेसँगै उनी चयन भएकी हुन् । प्रस्तावको विपक्षमा २३ मत मात्रै खसेको थियो ।

चौधरीलाई नेकपा एमालेका १०, माओवादी केन्द्रका १०, नागरिक उन्मुक्ति पार्टीका ७ र राप्रपाका १ जना प्रदेशसभा सदस्यले मतदान गरेका थिए ।

मंगलबार बिहानै बसेको प्रदेशसभाको बैठकले सभामुखमा माओवादी केन्द्रका भीमबहादुर भण्डारीलाई निर्वाचित गरेको थियो ।

स्मरण रहोस्, उपसभामुख नागरिक उन्मुक्ति पार्टीको भागमा परे पनि उसले उम्मेदवारी नै दिएन ।