बुधबार संसदीय दलको कार्यालयमा बसेको बहुमत सदस्यहरूको बैठकले चौधरीलाई संसदीय दलको नेताबाट हटाउँदै घनश्याम चौधरीलाई जिम्मेवारी दिएको हो ।

उक्त बैठकमा रामेश्वर चौधरी भने उपस्थित थिएनन् । सात जना प्रदेशसभा सदस्य रहेको नागरिक उन्मुक्तिमा चार जनाको हस्ताक्षरसहित संसदीय दलको नेता परिवर्तन गरेको सूचना प्रदेशसभा सचिवालयमा बुझाइएको छ ।

त्यस्तै प्रमुख सचेतकको जिम्मेवारी खुसीराम चौधरीलाई दिइएको छ । यसअघि लक्ष्मणकिशोर चौधरी प्रमुख सचेतक थिए । सचेतकको जिम्मेवारी भने कैलाश चौधरीले पाएका छन् ।

संसदीय दलको नेतासहित अन्य जिम्मेवारी परिवर्तन गर्न बसेको बैठकमा लक्ष्मण किशोर चौधरी, धनश्याम चौधरी, खुसीराम चौधरी र कैलाश चौधरी उपस्थित थिए । इन्दिरा गिरीले बैठकमा उपस्थित भएर पनि निर्णयमा हस्ताक्षर गरिनन् । प्रदेश सांसदहरु रामेश्वर चौधरी र टीका थापा भने बैठकमा उपस्थित थिएनन् । 

सुदूरपश्चिम नाउपामा जिम्मेवारी हेरफेरले भूँइचालो गएको छ । पार्टीले संगठन मजबुत बनाउन मिसन ८४ अभियान लागू गरेको छ । तर सुदूरपश्चिम प्रदेश सरकारमा नाउपा नेतृत्व अनिर्णयको बन्दी बन्दा आम कार्यकर्तामा निराशा छाउन थालेको छ । कुनै समय मुख्यमन्त्रीको दावी गर्दा पाउने अवस्थामा रहेको नाउपा सुपमा अहिले जडाउरी लुगा दिएझैं कामचलाउ मन्त्रालयमा जाने अवस्था आएको छ ।