पूर्वराज्यमन्त्री समेत रहेका उनी हर्नियाबाट पीडित थिए । काठमाडौंमा हालै शल्यक्रिया गरेर गृह जिल्ला दाङ फर्किएका उनी स्वास्थ्यमा पुनः समस्या देखिएपछि राप्ती स्वास्थ्य विज्ञान प्रतिष्ठानमा भर्ना भएका थिए ।

चौधरी २०४८ सालमा राष्ट्रिय सभा सदस्य र २०५४ सालमा स्थानीय विकास राज्यमन्त्री बनेका थिए ।
एमालेका पूर्व सल्लाहकारसमेत बनेका चौधरी पछिल्लो समय भने राजनीतिबाट निष्कृय झैंथिए ।

उनी २०२८ सालमा दाङबाट प्रकाशित थारू भाषाको साहित्यिक पत्रिका ‘गोचाली’का संस्थापक प्रधान सम्पादक  थिए।

उनले ‘द हिडनट्रेजर अफ द लो ल्याण्ड नेपाल (भाग १ र २)’, ‘नेपालको तराई तथा यसका भूमिपुत्रहरू’, ‘स्थविरहरुको प्राचीन इतिहास र संस्कृति’, थारू भाषाको पहिलो गीति नाटक ‘छारा’, थारू भाषामा ‘लिरौसी व्याकरण’ माँगर, गुर्वावक् जन्मौटी लगायत पुस्तक लेखेका छन् । नेपाल संस्कृत विश्वविद्यालयका लागि लेखिरहेको उनको गउँटेह्वा महाकाव्य अपुरो रह्यो । 

पछिल्लो समय उनले घोराही–१७ स्थित बेलभारमा सूर्यशक्ति सुपर जैविक प्राङ्गारिक मल उत्पादन केन्द्र सञ्चालन गर्दै आएका थिए ।

आज विहीवार उनको पुर्ख्यौली घर दाङको बैबाङस्थित बबई घाटमा उनको दाहसंस्कार गरिने पारिवारिक स्रोतले जनाएको छ । उनको एक छोरी, एक छोरा तथा श्रीमती छन् । ढकियाखबर उनीप्रति हार्दिक श्रद्धान्जली ब्यक्त गर्दछ ।