शनिबार आफ्नो निवास आएका रेशमलाई स्वागत गरेको तस्वीर भट्टराईले सामाजिक सञ्जालमा राखेका छन् । ‘हालै जेलमुक्त भएका नागरिक उन्मुक्ति पार्टीका संरक्ष्नक रेशम चौधरीलाई खुला आकाशमुनि हार्दिक स्वागत’, भट्टराईले लेखेका छन् ।

टीकापुर घटनामा दोषी ठहर भई जन्मकैदको सजाय सुनाइएका रेशमलाई गत १५ जेठमा गणतन्त्र दिवसको अवसरमा राष्ट्रपति रामचन्द्र पौडेलले आममाफी दिएका थिए । 

भट्टराईुँगको भेटमा रेशमले भट्टराईसँग आफू पार्टी निर्माणको क्रममा देशदौडाहा गरिरहेको जानकारी दिएका थिए ।

‘म देशभर घुमिरहेको छु, साथीहरुले बोलाइ रहनुभएको छ । थप कुरा पछि गरौंला भनेर निस्किएँ’, उनले  भने ।  आफू पश्चिम थरुहटतिर भेटघाट सकाएर धरान, उदयपुर, मोरङ, सर्लाहीलगायत पूर्वी जिल्ला जान लागेको रेशमले जानकारी दिए ।