प्रतिष्ठानले देशभरका विभिन्न ७ स्थानमा कलाको हब बनाउन अघि सारेको योजना अनुसार गाउँपालिकामा उक्त काम अघि बढाउन प्रतिष्ठानका कुलपति नारदमणि हार्तम्छालीको संयोजकत्वमा गाउँपालिका अध्यक्ष यम नारायण शर्मा पोख्रेल (विश्वास) र प्रतिष्ठानका प्राज्ञ परिषद् सदस्यहरुको उपस्थितिमा असार ३१ गते विभिन्न निर्णय भएको छ । 

निर्णयानुसार पहिलो चरणमा नेपाल ललितकला प्रज्ञा प्रतिष्ठान र गढवा गाउँपालिकाबीच गढवा गाउँपालिकालाई सेरामिक्सको हब बनाउने सम्बन्धमा अध्ययन गरी कार्ययोजनाको खाका सहितको प्रतिवेदन पेश गर्न गाउँपालिकाका वडा नं ३ को वडासदस्य आशाराम चौधरीको संयोजकत्वमा प्राज्ञ दिनेश्वर महतो, अग्रज कलाकार गोपाल कलाप्रेमी, गाउँपालिकाको वडा नं ६ का वडा सदस्य मानु कुमाल तथा वडा नं ३ का वडा सदस्य तथा कलाकार चुनुराम थारु रहेको टोली रहेको छ । 

यस टोलीले तोकिएको विषयमा अध्ययन गरी साउन मसान्तभित्र प्रतिवेदन पेश गर्नेछ । यसपछि गढवा गाउँपालिकामा रहेका ललितकलाका विभिन्न क्षेत्रहरु मुख्यतः लोककलालाई विस्तार तथा प्रवद्र्धन गर्नका लागि नीतिगत एवम् योजनागत छलफल अघि बढाइने छ ।