कलेजले यस बर्षदेखि स्नातक तहका बिआइएम र बिएचएम अध्यापन गराउने जानकारी भदौ २ गते शनिवार पत्रकार सम्मेलनमार्फत् दिएको हो ।

दुवै संकायको अध्यापन चार बर्षको हुने कलेजका अध्यक्ष सुरेन्द्र सुवेदीले बताए । कलेजले व्यवहारिक, सैद्धान्तिक तथा विश्वव्यापीकरणका लागि चाहिने आधारभूत शिक्षा प्रणालीलाई जोड दिँदै कक्षा संचालन गर्न लागेको उनले जनाए ।

बिआइएम र बिएचएम संकायका कार्यक्रमबाट प्रविधि र होटल व्यवस्थापनमा विद्यार्थीहरुलाई पूर्ण रुपमा योग्य,सक्षम र सफल बनाउने विश्वास कलेजले लिएको कलेजका प्रिन्सिपल सुरज शिवाकोटीले बताए । 

यहाँ पढ्ने विद्यार्थीहरुका लागि प्रत्येक विद्यार्थीलाई  जनही १ लाख बराबर १ करोड ३२ लाख बराबरको छात्रबृत्ति प्रदान गर्ने कलेजले पत्रकार सम्मेलन मार्फत घोषणा गरेको छ । साथै पहिलो वर्षको शुल्कमा पनि प्रत्येक विद्यार्थीलाई ५० प्रतिशत छुट दिने भएको छ ।

कलेजले दुवै संकायमा ६६, ६६ जना विद्यार्थी भर्ना गर्न पाउने गरी सम्बन्धन प्राप्त गरेको छ । चितवन र नवलपुरलाई लक्षित गर्दै संचालन गरिएको यस कलेजले विद्यार्थीका लागि गाडीको समेत व्यवस्था गरेको छ ।