सो अवसरमा श्यामलले ६६ कविता समावेश  रहेको सङ्ग्रहमा ४० बढी कवितामा तत्कालीन ग्रामीण परिवेशको भोगाइ रहेकाले कृतिकारलाई ग्रामीण कविको उपमा दिए ।  मानिसले उसलाई आश्रय दिएको सहरलाई गाली गरेर गाउँलाई बिर्सिएको सन्दर्भमा गाउँको सुगन्धलाई कविले समेटेको उनको भनाइ थियो । उनले अगाडि भने, “कविता अध्ययन गर्दा नयाँ भाषाको गन्ध र स्वाद भेटिन्छ, विद्रोहको प्रतिकको रुपमा रोल्पाको लिवाङ, जलजला, थबाङ क्षेत्रको अवस्था र अनुभवलाई लेखकले उतार्न खोजेको पाइन्छ ।” 

कवि राधिका कल्पितले कविको बाल्यकालदेखि अहिलेको अवस्थासम्म छर्लङ्ग चित्र आउने आख्यानजस्तो कविता सङ्ग्रह रहेको बताईन् । 

यस्तै कवि सुरज रानाले ग्रामीण परिवेशका विभिन्न गम्भीर विषयलाई कविले सरल भाषामा कविताको रुपमा उतारेको बताए ।  

कृतिकार घनश्याम अस्तित्वले विगतमा भोगेका अनुभवलाई शब्दभावमा उतारेको उल्लेख गर्दै समीक्षकहरुले औंल्याएको सबै विषयबस्तु एउटै संग्रहमा अटाउन नसकिने विचार व्यक्त गरे ।

बिएन पुस्तक संसार प्रालिले प्रकाशन गरेको उक्त पुस्तकको मूल्य रु तीन सय ५० रहेको छ ।