यस मन्त्रीमण्डलमा थारू समुदायबाट भगवती चौधरी एकमात्र मन्त्री बनेकी छिन् ।उनले  महिला, बालबालिका तथा समाज कल्याण मन्त्रालय पाएकी छिन् ।

एमालेकी नेतृ भगवती चौधरी २०२८ सालमा औरावनी–३, सुनसरीमा जन्मिएकी थिइन् । उनले मानविकी संकायबाट समाजशास्त्रमा स्नातकोत्तर र व्यवस्थापन सङ्कायमा स्नातक सम्मको अध्ययन गरेकी छिन् । 

भगवती चौधरी २०६४ सालमा संविधानसभा सदस्य, २०६७ सालमा वन तथा भू संरक्षण राज्य मन्त्री भएकी थिइन भने गत वर्ष एमाले र माओवादी गठबन्धनमा झन्डै २ महिना महिला, बालबालिका तथा ज्येष्ठ नागरिक मन्त्री भएकी थिइन् । उनले गत संसदीय चुनावमा काँग्रेसका विजयकुमार गच्छदारलाई पराजित गरेकी थिइन् ।

यसअघि थारु समुदायबाट अमनलाल मोदी माओवादी पार्टी संघीय मामिला तथा सामान्य प्रशासन मन्त्री बीचबाटै हटाइदा मन्त्रीमण्डलमा नागरिक उन्मुक्ति पार्टीबाट रन्जिता श्रेष्ठ चौधरीमात्र थारु समुदायबाट प्रतिनिधित्व गरेकी थिइन् । यो मन्त्रीमण्डलमा नाउपा सहभागी नहुने भएको छ । तर, उसले लुम्विनी या सुदूरपश्चिम प्रदेशमा मुख्यमन्त्रीको माग गरेको छ । 

यस अघिको मन्त्रीमण्डलमा काँग्रेसबाट खै थारु मन्त्री ? भन्दा महामन्त्री विश्व प्रकाश शर्मालगायतले लुम्विनी  प्रदेशका मुख्यमन्त्री डिल्लीबहादुर चौधरीलाई देखाउँदै  प्रदेशको मुख्यमन्त्री थारु समुदायकै बनाएर थारु समुदायको सम्मान गरेको अभिव्यक्ति दिदै आएका थिए ।  नयाँ गठबन्धनले  लुम्विनी  प्रदेशका मुख्यमन्त्री डिल्लीबहादुर चौधरीको पद पनि धरापमा परेको छ ।