राष्ट्रपति भवन शीतल निवासमा असोज २१ गते सोमबार आयोजित कार्यक्रममा थारू आयोगका अध्यक्ष विष्णुप्रसाद चौधरीले प्रतिवेदन राष्ट्रपति पौडेललाई बुझाएका हुन्। 

सो अवसरमा राष्ट्रपति पौडेलले संस्कृति व्यक्ति र समुदायको पहिचान र अपनत्व कायम राख्ने महत्वपूर्ण माध्यम रहेको बताए।

उनले आयोगले आफ्नो संवैधानिक र कानूनी दायित्व पूरा गर्ने सन्दर्भमा आफूले गरेका काम कारबाहीहरू समेटेर तयार पारेको प्रतिवेदनमा उठाइएका महत्वपूर्ण विषयलाई सम्बोधन गर्ने विषयमा सरकारले ध्यान दिने विश्वास व्यक्त गरे।

यसैगरी, मुस्लिम आयोगका अध्यक्ष समिम मियाँ अन्सारीले पनि आर्थिक वर्ष २०८०र०८१ मा सम्पादन गरेका कामहरूको वार्षिक प्रतिवेदन पेश गरेका छन्।