बन्वा जैबी काठी कर्बी माघ मनैबी ।

सुंग्रा कट्बी मच्छी मर्बी माघ मनैबी ।।

भक्री फोर्बी झ्वार निटर्बी माघ मनैबी ।।

धुम्रु गैबी ठेङ्ग्रा बर्बी माघ मनैबी ।।

कोर्बी गैजी ओ तरुल् लाग्खेन दिनभर,

सन्झ्या रातके ढिक्री पर्बी माघ मनैबी ।।

उठ्के बिन्हे जैबी ट्ल्वा सब लहाए,

डुब्की मार्के पैंसा गर्बी माघ मनैबी ।।

डाइ पार्दे ठिक्क चाउर, न्वान उरुद ट,

आके निस्राऊ कहर्बी माघ मनैबी ।।

छोटी छोटी जे बा ढ्वाग लागि बर्कन,

हम्रे बर्का दान डर्बी माघ मनैबी ।।

भर्वा टाङ्के जैबी निस्राऊ डिहे ना,

छोरी चेलिक् मान ढर्बी माघ मनैबी ।।

गाउँ घर घर जाके नाची खोरी कैके,

रुप्या मल्किन्या से झर्बी माघ मनैबी ।।

काल पुर्खा आज हम्रे कर्टी लर्का,

पुस्ता पुस्ता रीति सर्बी माघ मनैबी ।।

                                       दाङ