उनीहरू यस युगका पनि 
चाणक्य हुन् 
अझै चन्द्रगुप्त जन्माउन सक्छन् 
आन्दोलनको आँधी ल्याएर 
सरकारलाई पनि ढलाउन सक्छन् 
उनीहरू त्यसै काठमाडौँ आएका होइनन्। 
@@@
आदरणीय अभिभावकहरू !
उनीहरू नयाँ ज्ञानको दैलो उघारेर 
उनीहरू पञ्चायती ऐन फालेर 
शैक्षिक क्रान्तिको निम्ति 
काठमाडौँ आएका हुन् 
थोरै समय दिनुहोस्। 
@@@
प्रिय विद्यार्थीहरू ! 
उनीहरू शिक्षाको बिहानी ल्याएर 
थोत्रो नीतिमा परिवर्तन गरेर 
तिम्रो सुन्दर भविष्यको निम्ति 
उनीहरू काठमाडौँ आएका हुन् 
केही समय पर्खनुस् । 
@@@
उनीहरू त्यसै काठमाडौँ आएका होइनन् 
शब्दको बारुद भरेर 
कलमलाई बन्दुक बनाएर 
घोर निद्रामा सुतेको 
सरकारलाई जगाउनका निम्ति 
उनीहरू काठमाडौँ आएका हुन् ।
@@@
उनीहरू त्यसै काठमाडौँ आएका होइनन् 
शिरमा कफन बाँधेर 
विद्रोहको राँको बालेर 
देशभित्रै हराएको 
सरकारलाई खोज्नका लागि 
यो मुलुकको मुहार फेर्नका लागि 
यो माटोको कसम खाएर 
उनीहरू काठमाडौँ आएका हुन् ।
@@@

हालः धनगढी, कैलाली
२०८२ । ०१ । १०