कार्यक्रममा वरिष्ठ कवि श्यामल, परिषद्का पूर्व अध्यक्षत्रय प्रा जगत उपाध्याय प्रेक्षित, डा मधुसूदन गिरी, प्रा केशव सुवेदीले संस्थालाई चलायमान बनाउन बढीभन्दा बढी साहित्यिक गतिविधि गर्न सुझाए । तिनले परिषद्को मुखपत्र खसानी नियमित प्रकाशन गर्न आग्रह गरे ।

साधारणसभामा कोषाध्यक्ष भूपेन्द्रा मल्लले आर्थिक प्रतिवेदन तथा सचिव बलभद्र भारतीले आर्थिक प्रतिवेदन प्रस्तुत गरेका थिए । परिषद्का अध्यक्ष समीर शाहको अध्यक्षतामा भएको कार्यक्रममा उपाध्यक्ष मनोहर लामिछानेले स्वागत मन्तव्य दिएका थिए । 

साधारणसभाले सदस्यता वितरण तथा मध्यपश्चिमाञ्चलका विभिन्न जिल्लामा परिषद्का शाखाहरू स्थापना गर्नेलगायत विभिन्न प्रस्तावमाथि महत्वपूर्ण निर्णय गर्यो ।

साथै, परिषद्का अध्यक्ष समीर शाहलाई संस्कृति, पर्यटन तथा नागरिक उड्डयन मन्त्रालयद्वारा साहित्यतर्फको प्रादेशिक प्रतिभा पुरस्कार २०८१ प्रदान गरेकोमा हार्दिक बधाईसहित शुभकामना प्रकट गरियो । 

मध्यपश्चिमाञ्चल साहित्य परिषद् तीन दशकदेखि क्रियाशील रहेको छ ।