१- हमार ठारुणक मानक भाषा नि होक फे थारु भाषा कसिक लिख्ना कना सवालम अत्रा बिचार विमर्श हुइटा। सायद आशा बा मानक भाषा बनी ट डान्चे सहज हुइ,  पूरा रुपम ट समस्या समाधान नि हुइ।
२- नेपाली भाषा ओ ब्याकरण  म फे आम्हिन समस्या बटिन। टर हमार अश नहि।
३- हमार थारु भाषा म पहिलसे  क्रमश: सुधार हुइटी बा। भाषा साहित्यम कलम चलुइया हुक्र खटल जो बाट। छोटी छोटी समस्या या नि मिलल म हम्र वर जोर से डब्नी भिर्या  ख्याल लग्ठी, यी मजा ओ निमजा बराबर लिह सेकजाइ टर सकारात्मक रुपमा लिह परठ। वाद वाद - संबाद अनि निष्कर्ष आइस्याकट।
४- थारु ब्याकरण, भाषा, साहित्य म कलम चलइना विद्वत ब्यक्ति वा वर्ग हुक्र यी जिम्मा लेटी आघ बह्रही। टर हम्र आपन ओर्से ब्याकरण, भाषा, साहित्यम दख्खल नि हुइल मनै चामचिम रना ट ?  नही- गोचाली।
५-विद्वानहुक्र कलम चलही, चलैटी रहि, हम्र निरन्तर जीवन के सिकाइ अभियान ह आघ बह्रैटी जैवी। साथ साथ हम्र आपन  दिन दिनक जनजिब्रो म (colloquial) वेल्सना भाषा ओ शब्दह आधार मान्ख लिख्टी जैबी। 
६- भाषा, साहित्य कलक खस्रार, गिज्रार, लरम ओ ... इत्यादि रहट, ओहमार हम्र अक्टेइना, पिर मन्ना, बिह्र मुना, रिस मन्ना, छ‍ोटी छोटी चिजम गम्ह्रिरख लग्ना निकरहुइट।
७- म्वार बुझाइम भाषा कलक सम्बाद करक लाग हो,  एक से ओर जहन संचार कर्ना हो। तर आपन मौलिकता ह मुयइना नि हो। यी तत्सम, तत्भव बिज्ञ हुकहनक जिम्मा हो।