धनगढीमे स्थापित साहित्यिक साझा मन्च बातचित घरके ३६ औं शृंखलामे चौधरीहे सम्मान कैगइल रहे । उ सम्मान बातचित घरके बरघरिया ठाकुर करियाप्रधान चौधरीहे सम्मानपत्र ओ डोसल्लासे सम्मान कैलैं । धनगढी उपमहानगरपालिका वडा नम्बर-१३ कैलाली गाउँके २१ बरसके टीका चौधरी दक्षिण अफ्रिकासे प्राइभेट पाइलटके लाइसेन्स हासिल कैले बटैं । मने पाइलट तालिम पूरा करक लाग उहाँहे अभिन एक सय घण्टाके उडान बाँकी रहल पाइलट चौधरी बटैलैं । 

उहाँ कहलैं, 'मोर पाइलट तालिम पुरा कर्ना अभिन छे महिनासे आठ महिनासम समय लागेसेकी ।' छुट्टीके समय मिलाके उहाँ घरे आइल जनैटी कहलैं, 'पाइलट तालिम महा कठिन रहल ओर्से अपन हिम्मत, संघर्ष  ओ आँट कैके यहाँसम पुगल बटुँ । अभिन ढेर सिर्ही पार करे पर्ना बा ।' थारु समुदायसे चौधरी पाइलट बनलकमे समुदायके लाग गर्व करे सेक्ना बात बातचित घरके बरघरिया ठाकुर करियाप्रधान बटैलैं । 

कार्यक्रममे माधव थारु, सानु चौधरी, बसन्ती चौधरी, मंगल चौधरी, राजु चौधरी, अनिल कुश्मी, मानबहादुर चौधरी लगायत ढेर युबनके सहभागी हुइल रहे ।

टीका चौधरी थारु समुदायके पहिल महिला पाइलट रहल जना गइल बा ।