पटेर्वा सुगौली गाउँपलिका–२, बेलवा, पर्साके थारु अतिथि सेवा सदन समिति सभाकक्षमे अइना माघ १५ से १७ गटेसम हुइना १०औं थारु साहित्य राष्ट्रिय सम्मेलनके अवसरमे इ पुरस्कार डे जैना आयोजक जनैले बा । 

पुरस्कारके लग स्रस्टालोग अपन प्रकाशित हुइल पोस्टा, बायोडाटा इहे पुस २४ गतेसम tlekhaksangh@gmail.com मे पठा सेक्ना जानकारी थारु लेखक संघ नेपालके सचिव अनिल कुश्मीसे हस्ताक्षरित विज्ञप्तिमे बा । 

थारु लेखक संघ नेपालसे स्थापित पुरस्कार अब्बेसम पाँच जनहनहे डे गइल बा। बर्दियाके शेखर दहित, दाङदेउखरके दोषहरण चौधरी, कैलालीके लक्ष्मी राना ओ सुनसरीके रामसागर चौधरीहे उ पुरस्कारसे पुरस्कृत हुइल बटाँ । ओस्टक गइल बरस बर्दिया, मयूरबस्तीके स्रस्टा सुशील चौधरीहे इ पुरस्कार डे गइल रहे । गइल बरस थारु साहित्य पुरस्कारके राशी ५० हजार रहे ।

ओस्टके थारु लेखक संघ नेपालके लग धनगढीके चन्द्र चौधरीसे स्थापित प्रतिभा महिला सशक्तिकरण पुरस्कारके राशी इ बरस ३० हजार कैगैल बा । आम्हिनसम दाङदेउरखके मन्जिता चौधरी, बाराके शान्ति चौधरी ओ कञ्चनपुरके सुनिता चौधरी सानु सहित ३ जनहनहे इ पुरस्कार डे गइल बा । गइल बरस २५ हजार रहल इ पुरस्कारके राशी असौं ३० हजार बना गइल बा । इ पुरस्कार फेन १०औं थारु साहित्य राष्ट्रिय सम्मेलनके अवसरमे डे जाइ ।