सट्यक खोजम निक्रल मनैया
ओस्टक कौनो झेल्कुटम अल्झलाइल बा,
भौतिकताके मिलावटसे
जर्मल मनै सगबगैना बड्रिक डिउँक
डिउहाम हेर,
हेक्का ओ वास्टा नि हुइस् उहि
बुवा स्टीफिन हकिन्स,
समयक इतिहास लिख सेक्ल,
ब्रह्माण्डक भविस्य रेखा डेख सेक्ल
करिया ड्वाँडरम ।
उ जुन
अम्हिन् फे आइन्सटाइन्के
इ इजकल्टु एमसि स्क्वायर 
फर्मुला रटन्टु लगैल बा
डुस्मनसे लरक लाग । 
ढिक्कार बा उहिहन
ड्वासर विश्व युद्धम जरल
मानवता,
भौगरक आगी जसिन टाट्टुल
सिटयुद्ध
ओ स्वाग लग्टिक मनैन्क
आँसक सगरा, डुख बट्ठा ।
आब ट लाग पर्ना हो
उहिहन,
कमसेकम आपन उप्पर दया,
कामना करहि परि
आब वाकर लम्मा आयुक
ओ समयक चेतके
पिर्ठबि एक्ठो बा कैक
सम्झैटि ।

मयुरबस्ती, बर्दिया

 २०७४