उठो ए समय ।
हेरो देश हे पोक्य्राके डोरटैंँ यहँरवहँर
झण्डावाल लहरु मे सवार
एक झोंडा डैंटुर ।

उठो ए समय । 
हेरो रजकज करटै गाउँ सहर
मुलुक हे बनाके खोखर 
वहरो सरकारी सेंडुर ।

उठो ए समय । 
ममताके छाती फोरके
लहडोरामे लौटटै करिया सुअर
जो बनाइल देश हे ढोढर
जे देश खैनामे बा सिपार
फेन्से उठाइटै कपार
माटी हे भुवा बनैना खेलमें
जुमलबाटै भुरे भुवर
एक लेहरा गिडार

उठो ए समय । 
देश पारन जाके
रगतके आँस गिराइटा
प्राण के असरा टुर के 
रातविरात छटपटाइटा
आछट पार्टी कहिया हेरबो
यी देशमे कपट डरुईयनके
छातिम डिया करिया बरबो

उठो ए समय । 
जालिम के डौर के भिटर
डपकल यी देशके दुश्मन हे 
हाकिम के कौरक भिटर
नुकल ऊ जाटिक रावन हे 
मानव तस्कर के लस्कर मे
कलकल डलिडडकर डायन हे
लाही फूला डेखाइक लाग
आउ गम्छा भेग्वा ओ टोपी
सोमला बैठाके कोर्रा माटी

उठो ए समय । 

हेरो भोर होगिल
देश खोंर होगिल
हमार माटिम करिया बडरी छागिल
उठो ए समय । 

धनगढी–१५ कनरी, कैलाली
९८४८४९३३५७
jeettrasan57@gmail.com