बाबा ‘हजुरके चाहना का बा ?’ 
एक हर भैंसा लेना 
आउर बाबा फेन पुँछ्र्लुँ 
कोड्रा, बाँका लेना 
हरफार जोरजाम कैना  
का करे बाबा ?
प्रश्नमे बाबा उल्टे प्रश्न कैठा
टोहार कलमके बुँड ओ लिखल पन्नासे 
खै जर्जर बाँझ माटी उर्वर हुइल ?
कहाँ लहलहैटि अनाज झुलल ओ हरियार हुइल
कोन पख्वामे बनल सुघ्घर फुलरिया 
ओ, फरल झोफ्फा  एकसाठ फारा ?
कहाँ बा मन मोहन्याइना फुलरिया ?
जहाँ सक्कु पूmला एकसँगे रमाके जियल बटाँ  
जोगनि, भौँरा बन्के सँगसँगे घुम्टि बटाँ
कोन डाँरैयक झोपरि ओज्रार हुइल ?
बाध्यताके जन्जिरसे मुक्टि पाइल
कोन अग्रज पुर्खा सम्मान पैला ?
टोहार परदेश बहाइल पस्नासे
परदेशके माटी मग्मगैटि,
नच्टि उप्पर  पुग्टि बा
टुहिन खटहामे गिर्टि डेख्के
पस्नासँगे साँटल डलर मुस्कैटि खिज्वाइटा
टुहिन हेर्के कवाइल बा जनम घर 
बल्गर बनाउ अप्ने डगर
डलर मोेहसे नैबुझ्ठो इसारा
एकनास उर्टि जाइटो डुर देश
जहाजमे बसेरा लेहल हजारौं सपना हेर्टि
बाबा बरबराइल
इ सप्नक पस्ना
का करे हमार माटिम नैचुहठ ?

गढवा गाउँपालिका–२ महदेवा, दाङदेउखर
हालः कोलेनिका, तौलिहवा, कपिलबस्तु
इमेलः rptharu617@gmail.com